PATUA HATA

Patua Hata manang didok goarna Marhusip husip Na Gogo.
Roma Paranak dohot Rombongan na mandapothon bagas ni Parboru di ari naung ditontuhon nasida.

1. Dung pungu Paranak, digorahon Parboru ma asa masuk nasida huhut mamboan sipanganon. Dipajagar ma hundulanna ni Paranak, jala tar di sukkun ma marga dohot asal nasida.
2. Di jou Protokol ni Parboru ma boruna manigati boan-boan ni Paranak i.
3. Dung disigati, laos di dok boru nasida i ma na lengkap do boan-boan ni Paranak i.
4. Dipatangkas Protokol ni Parboru ma songon dia do haroro ni nasida.
5. Di patorang protokol ni Paranak ma, ia haroro nasida naeng Marhusip husip Nagogo manang Patua Hata.
6. Di patangkas Protokol ni Parboru ma muse jolo marsipanganon manang jolo mangkatai. Alai sai jolo marsipanganon do asa dimulai pangkataion. Didok asa songon na margogo nasida na mangkatai i, molo soi mamereng partingkian na ma.
7. Ala Paranak do na maboan sipanganon, sian Paranak ma mambahen tangiang mangan.
8. Dung sidung marsipanganon, disungkyun protokol ni Parboru ma taringot tu hata nisi panganon.
9. Ala naeng mulaanna nama pangkataion, dipasahat ma tingki tu Parboru/ dongan Tubuna ise do Raja Pangalusi/ Na Marhata.
10. Suang songni nang pihak ni Paranak, di andehon ma ise do Raja Pangalusi/ Parhata.
11. Dung sidung marsipanganon, disungkun Raja Parhata ni Parboru ma taringot tu hata nisi panganon.
12. Dialusi Raja Parhata ni Paranak ma ia taringot tu sipanganon didok ma na "Surung-surung ni nasida Parboru do i.
13. Di gora ma boruna asa dipature didapur termasuk ma asa dibagi angka jambar na hombar tu paradaton nasida.
14. Disungkun ma muse aha do impola ni haroro ni Paranak umbahen ro nasida Patua Hata.
15. Di patorang ma saotik pardonganon ni Anakna dohot Boru nasida.
16. Mambegei, tar somal do Raja Parhata ni Parboru manungkun boru nasida asa dipatangkas na toho do na nidok ni Paranak i.
17. Dungi, dilanjuthon ma muse tarsongon dia ma rencana ni Paranak.
18. Dipaboa Raja Parhata ni Paranak ma angka rencana nasida, ima taringot tu:
    • Rumang ni Ulaon
    • Inganan (dialaman ni parboru manang Paranak)
    • Godang ni sinamot
    • Suhi ni Ampang Na Opat, Todoan, Panandaion
    • Ulos Herbang
    • Tintin Marangkup
    • Ulos Tinonun Sadari
    • Pinggan Panganan
    • Partingkian (Hari, tanggal, Bulan, taon, jam)
    • Gedung +Alamatna (molo di kota-kota)
    • Godang ni Undangan
    • Parjambaran(Biasana nunga antar dirimang-rimangi manang di konsep hian andorang so diulahon na Patua Hata)Di tingki na marhata, ala tarsomal do disurati boru angka Pangkataioni, dungi dijahahon ma muse songon panimpuli. Dungi ditutup ma dohot ende dohot tangiang sian Parboru.Tarsongoni ma jolo ruhut-ruhut ni Ulaon di na Patua Hata. Molo tung adong angka na pauli-ulihon manang masukan sian dongan Hata on Hata tambaan. Mauliate Horas ma.

Share:

Read More

ANIMASI DALIHAN NA TOLU

Share:

Read More

PARTUTURAN HALAK BATAK

Tolu bagian ma partuturan di halak batak, ima na ginoaranna DALIHAN NA TOLU

1. Dongan Tubu (Sabutuha), manang dongan sahundulan:

• na sa bapa sa ina,
• na bapa martinodohon,
• na ompung martinodohon,
• na mardongan samarga,
• na marga na marpadan,
• na ina namarpariban (pariban ni Ina),
• na marpariban,
• na mardongan sahuta,
• na marale-ale,

2. Boru:

• Iboto,
• Boru tubu,
• Namboru,
• Boru na asing na di luat i (boru di ampuan),
• Ibebere,
• Boru ni psariban,
• Boru ni dongan sabutuha,
• Boru ni pariban ni Ina.

3. Hula-hula :

• Tunggane/ lae,
• Simatua ,
• Simatua ni na marhaha anggi,
• Tulang,
• Bona Tulang (Hula-hula ni Ompung),
• Bona ni ari (Hula-hula ni Ompung ni Bapa),
• Tulang rorobot (tulang ni Istri),
• Paraman/ Amang na poso/ Anak ni tunggane,
• Hula-hula ni dongan samarga/ sabutuha.

Share:

Read More

PODA NI OMPUTTA

1. "Tinallik bulu godang, pinallotak-lotakhon,Molo di jolo ni na sangap, jolo marsantabi asa ni hatahon."

Artinya:
tinallik  = dipotong
bulu godang     = bambu
pinallotak-lotakhon = dipukul-pukul
molo      = kalau/ bila
di jolo    = di depan/ di hadapan
ni na sangap        = orang terhormat/ orang yang di tuakan
jolo        = terlebih dulu
marsantabi      = meminta/ mohon ijin, permisi
asa   = barulah/ supaya
ni hatahon     = diucapkan/ disampaikan/ dikatakan

Jadi :"Mohon ijinlah terlebih dahulu, bila kamu hendak berbicara di hadapan orang- orang yang terhormat,"

"It's better getting permission firstly, if you want to talk in front of the honorable people,"

2. "Sala mandasor sursar luhutan"
Artinya:
sala = salah
mandasor = membentuk dari awal
sursar = berantakan
luhutan = tumpukan potongan batang padi yang disusun berbentuk lingkaran sebelum butiran padinya diambil
Jadi "Segala sesuatu yang kita buat haruslah memiliki dasar yang kuat/ kokoh agar tidak mudah rusak/ berantakan/ hancur."
(Everything we make or do must have a solid/ firm foundation, so that it is not damaged / broken / crushed easily)

Share:

Read More

Suhi Ni Ampang Na Opat

Suhi Ni Ampang Na Opat
Parjolo, tapahami jolo aha do ampang, ampang ima molo di Indonesiahon 'bakul' ma on. Di bona pasogit, sian hotang/rotan do on dibahen. Ia guna na ima inganan ni parbue/ eme, dipakke do ampang muse molo mamurpur eme di balian. Bentukna diginjang bulat do idaon, alai ditoru marsuhi-suhi do on jala opat (4) do suhi-suhina. Sude do keluarga ni halak hita nampunasa ampang. Sian fungsi dohot bentukna ido ra asa gabe dibahen omputta sijolo-jolo tubu istilah paradaton ni halak batak "Suhi Ni Ampang Na Opat" songon patuduhon inti ni sada keluarga na pamuli boru, ima:
1. Haha/ anggi ni hasuhuton bolon/ parboru, didok ma "Pamarai/ Siungkap Bara
2. Iboto ni na marhamulian, didok ma "Simolohon/ Simandokkon"
3. Pariban/ Namboru ni na marhamulian, didok ma "Pariban"
4. Tulang ni na marhamulian/ Iboto ni inang ni na marhamulian, didok ma "Tulang"
Ala na opati na gabe pandohan na mewakili keluarga, ikkon do antong bagionna jambar sinamot tu nasida. Boasa sai ditaringoti Suhi Ni Ampang Na Opat di ulaon marunjuk/adat, ala dang apala sian sinamot na pinasahat ni paranaki tu parboru ibe dilehon jambar sinamot tu na opat (4) i, tong na ma di pangido tu paranak asa takkas muse pasahaton/ditambai paranak/  silehonon na tu na opat (4) i. Jala na huboto, berupa hepeng do molo jambar Suhi Ni Ampang Na Opat.
Molo adong akka masukan dohot kritikan na mambahen lam tu dengganna rade do hami paturehon, jala asa lam ganda nian akka parbinotoan tarlumobi di akka na umposo. Horas.

Share:

Read More

Let's Learn Batak's Alphabets (Mari belajar Huruf Batak)

Lesson 1 :

Basic Batak Alphabets should be understood firstly.

Lesson 2:

Share:

Read More

HASANGAPAON- HAGABEON- HAMORAON

Najolo holan 3 do sitta-sitta ni halak BATAK, aha mai:
1. Hasangapon : Di bahasa Indonesia didok ma ra "Kehormatan". Tung mansai porlu do hasangapon dihalak hita, alai dang jadi pasangapon ni halak iba ianggo so pinasangap halak. Godang do cara pasangaphon halak, naparjolo, adong doi dipanjouon manang partuturon, isarani ompung, bapatu...a, namboru, ito, lae, pariban, dohot na asing. Unang ma sai binaen partuturan niba tuginjang, hape ditoru do iba. Bangga do halak batak mambege akka panjouon ni tutur. Misalna: "Na tudia ho ompung." Alusna, " tu jabu ni ibotoman do pahompu." Napaduahon, mabahen sangap halak hita ima "Pangalaho". Adong do poda ni oppunta namandok, "Pasomal-somal ma dirim tu hadaulaton, "Nitijuran tu langit madabu tu ampuan", dohot na asing. Unang ma nian gabe sipissangon iba, akka natigor i ma niula. Alai antar maol do on niula, dipambahenan, dipakkataion, dohot dipamerengan.
2. Hagabeon : Molo di bahasa Indonesia ra didokma "Kesempurnaan". Ia halak batak nunga tardok "Gabe" molo adong anak, dohot boruna, sohot sude ianakkonna jala maranak marboru, sinur sude na niulana.
3. Hamoraon : Najolo dang arta na godang gabe didok namora, alai molo torop anakkona (baoa, boru), boi mangan dang sampe marutang/ marsali, boi pasikkolahon anakkonna, boi manggarar adatna, ringgas mulaulaon nunga didok namora.
Alai sude tongdo mangasahon tangiang tu Amanta Pardenggan Basa i.

Share:

Read More

LAMBANG DALIHAN NA TOLU

Share:

Read More

NA PINASIKKOLAHON NI PINAHAN (SCHOOLED BY CATTLE)

Di hitaan, hira sude do ganup rumah tangga mamiaro angka pinahan. Adong doi lombu, hoda, horbo, hambing, pinahan lobu, panangga dohot angka manuk, bibi, manang entok. Jala antar lumayan do torop ni pinahan i di ganup jabu.
Asing sian na gabe tu parjagalan, isara ni lombu manang horbo, boi do muse di bahen laho mangula tu juma ima mangaluku songon pangganti ni ombak balik, manarik padati laho mamboan eme sian balian. Hoda pe antong boi do mamboan boban tarlumbi di dalan na hurang denggan. Pinahan lobu ingkon mok-mok ma asa boi di gadis tu namarpesta. Angka panangga gabe parburu. Manuk, bibi dohot na asing dipiaro asa adong tolor na gadison.
Jadi di ganup ari, sai pintor hinsa-hinsa do angka natoras manjou iba paresohon angka pahan-pahanan i. Adong do na deba holan marmahan karejo na molo nga mulak sikkola. Mangalehon mangan pinahan lobu, panangga, hape iba sandiri dang dope mangan.
Ganbup ari begeon ma, "Ai pareso horbo an so manunda". " Ai nunga di lean ho pinahan lobu mangan?" Sai hira na umporlu do angka pinahan i sian angka ianakkonna.
Molo so niulahon muruk ma angka natoras,"Atik aha do bahenon pasikkolahon ho". "Asa di boto ho ai pinahan i do pasikkolahon ho."
Memang targodang do tohona, nijalo uang sikkola, sai jolo digadis do pinahanna asa adong hepeng boanon manggarar SPP. Sai songoni ma namasa molo paborhatton parsikkola di hitaan.
Hape nian dang na ummarga pinahan i sian anakkon nai, nda holan na dipikkiri angka natoras i do molo denggan do angka pinahan i, bah boi ma hatop gadison molo adong angka na porlu tarlumobi tu angka parsikkolaan. Jadi didok ma "Ai pinahan i do pasikkolahon ho."

Share:

Read More

Cerita bersambung; SI BUTONG

SI BUTONG

Di sada huta adong ma sahalak doli-doli na margoar si Butong. Si Butong on jolma na losok do jala holan na mangan ma nian karejona. Ai so porlu di ibana na mula-ulaon. Natorasna pe dang nah ea diurupi mangula. Ido sai holan na dimuruhi natorasna ibana.

Alani arsak ni natorasna tu si Butong, diusirma ibana sian jabuna. “Molo sai songonon do karejom, ba lao maho sian jabu on. Tumagon ma ho dang huida, ai nunga pusing hami mamikkiri ho,” ninna inang na. Jala dang hea be di lehon ibana mangan.

Mambegei, sian naso binoto ni natorasna, laho ma si Butong sian huta I, ala naso di pardulihon natorasna be ibana. Di pinjam ma hepeng sian hombar jabuna asa adong na laho ongkos na. “Namboru, hupinjam jolo hepeng munai Rp100 ribu, asa laho au mangaranto anon dibayar natorashu pe ai na disuru do ahu,” ninna ibana. Burju do roha ni namboru nai, dilehon ma hepeng i. “Mauliate da namboru, pintor di paulak inangku pe anon,” ninna ibana.

Dungi borhat ma ibana, alai di pardalanan sai marpikkiri ma ibana tudia do haporusanna. Tarborsik ma tu pikkiranna,”Ohh, tu Jakarta na ma au. Adong do dongan ku si Balian di Jakarta,” ninna rohana.

Ala dihilala rohana hepengna dang sae, di tompang ibana ma sada truk barang na tu Jakarta. Ai molo mar-bis dang sae hepengna. “Lae, dohot jolo au manumpang tu Jakarta,”ninna ibana. “Ngeri do lae na mar-truk on, ia mar-bis ma hamu lae,” ninna supir ni truk i. “Ai na so adong do lae hepeng hu, tolong ma jolo lae sian truk muna on ma ahu,” ninna alusna. “Molo sabar do hamu lae, ba beta hamu ma,” ninna supir i.

Dung lima ari di pardalanan, sahat ma nasida tu Jakarta. Turun ma si Butong di Tanjung Priok. “Dison ma hamu lae, nunga Jakarta on, Tanjung Priok do goar na,” ninna supir i.

Dungi tuat ma ibana huhut mardongan lomos ni roha, ai so diboto ibana tudia jala ise si dapothonon na. Laho ma ibana tu sada warung, disi ma ibana minum kopi huhut marpikkiri tu dia do tujuanna. Sian na so panagamanna di bege ibana ma adong dua halak na di warungi marhata batak, songon na las ma rohana. “Santabi jo lae, ia ahu margoar si Butong. Ondope au ro sian hitaan, dang adong na hutanda di Jakarta on. Tolong hamu ma jolo ahu lae asa rap dohot hamu,” ninna si Butong. Marsiberengan ma na dua I, alai didok ma,”boi do Iae, beta hamu ma di jabu ma hita manghata-hatai dohot martarombo,” ninna  nasida nadua. Laos di garar si Butong ma kopi ni halak I huhut mandok mauliate godang. Ai dang be mampar ibana didok rohana.

Tung di oloi nasibna do, dung hira-hira sabulan si Butong rap dohot dongan nai, dapot karejo ma ibana makkenehi metro mini. Di tingki na makkenehi metro mini I di pakke ibana do partingkianna laho marsiajar mamboan mobil manang manupiri. Ala di boto ibana do songon dia maol ni na mangalului hepeng i, sai di usahahon ibana do manisihon sasaotik hepeng nai.”Simpanon ku do deba asa adong anon mambahen SIM-hu, atik beha anon adong namarasi roha di bahen iba gabe supirna,” angan-angan na.  Muba do antong parrohaonna, tingki di huta si losok do ibana.
Dang sadia leleng nari, di sada tingki, toho do antong angan-angan nai. Di togihon sada halak namora ma do ibana gabe supir pribadina. Ai pengusaha na balga do amantai. "Olo do ho puang gabe supir hu, supir pribadi?" ninna amanta i manungkun. "Nauli Amang," ninna alusna. Dungi pintor hatop ma ibana laho mangurus bisoloit (SIM) na.
Hira-hira dung tolu bulan si Butong karejo di Amanta namora i, adong ma dipapungu ibana sihumisikna. Asing sian gaji na, dapot dope si Butong hepeng parmangan ganup ari. Sipata do dilehon Amanta namora i songon surung-surung tu ibana ala dibereng do si Butong burju karejo, jala tung mansai manat-manat do ibana mamboan mobil. Holong ma tahe roha ni namora i mamereng si Butong. Aut sugari ra adong boru ni namora i patongonon na do ra tu si Butong di tingki i.
Nunga hira-hira tolu taon si Butong mangaranto, dang na hea dope paboa barita ibana tu natorasna.  Dirohana, ingkon do jolo hasea ibana ipe asa marbarita tu natorasna. Hape sian naso binotona, sai lulu do natorasna. Molo adong ro parhutana sian pangarantoan, sai pintor di sukkun do. "Ai pajumpang do ho dohot anakku si Butong?" Sude ma tahe di sungkun angka naro sian pangarantoan. Goarna pe Jakarta, ianggo so binoto alamatna maol do luluan. Huroha laos so margorak do tu si Butong nasai dilulu-lului inang nai  ibana.
Dinasahali adong ma sahalak doli-doli pajumpang dohot si Butong. Ia doli-doli i dongan sahutana do sian bona pasogit. Ninna mandok,"Appara, ia ahu na baru mulak pe sian huta. Pajumpang do ahu dohot natorasmu. Disukkun do ahu taringot tu ho. Alai hudokma naso hea dope hita pajumpang. Hatop do dialusi si Butong," Boha sehat do bapa dohot inongku, poang?" "Sehat do halaki sude," ninna doli-doli i mangalusi. "Alai poang adong do tona ni natorasmu tu ho, "Molo pajumpang ho dohot apparam si Butong, asa dokkon jo ibana mangoli, unang jolo matua." "Olo inangtua, bapatua, molo pajumpang ahu hupasahat pe," ninna doli-doli i mangalusi natorasna i.
Sai marpikkiri do si Butong hata ni natorasna i. Sipata do ro tupikkiranna, "ah tahe, nunga matua natorashu, molo mangoli ahu las ma ra nang rohana." Alai olo do muse balik pikkiranna,"Aha ma behononku allangon ni i, sian diama hepengku tu si sude? Ai so sadia do pe na husari." Ibana manukkun, jala laos ibana muse do na mangalusi.
Na malo do ianggo si Butong margitar, molo dung bot ari, jot-jot do ibana marende huhut margitar di jolo ni jabuna i rap dohot angka na asing. Godang do ragam ni ende di boto ibana, dang holan ende batak. Molo margitar ibana, sai rodo angka hombarna, sipata rap marende nasida. Disi ma tio ni suara dohot pamiltik ni gitar i mambahen angka na deba tarhatotong mambege si Butong marende.
Alani parendeon dohot pamiltik ni gitar nai, gabe godang ma angka naposo mananda ibana, tarlumobi ma angka anak boru.Boru ni halak ion pe godang ma na gabe lomo rohana.
Alai sada sian angka anak boru ni halak ion i mansai uli, alai di mulana dang adong roha na asing di si Butong, holan dongan sambing do. Hape dung jot-jot diida ibana jala sai olo itoani marende rap dohot ibana, gabe lomo ma rohana. Mardomu muse, molo dibandingkon tu angka na asing tarummuli do on, dohot do lambok ni hatana begeon.
"Ahh, nauli ma itoanon, boha do ate molo hudok hatakku," sai manginongi dirohana. Alai sipata marpikkir ibana beha muse annon namasa molo gabe parumaen ni dainang.
Dung tolu bulan sai dipikkiri si Butong, dipatulus ma rohana na itoani pillitonna. "aha pe namasa, dohononku nama hatakku tu itoani, mardomu sotung gabe panglatu (panglima lajang tua) iba annon," ninna dirohana.
Disada tikki dung mulak si Butong sian karejona, dipiltik ma gitarna huhut marende. Umbege soara nisi Butong, pintor ro antong itoan i.Didongani ma ibana marende.(marsambung)

Share:

Read More

FAMILY TREE (TAROMBO)

Share:

Read More

SIGALE GALE (THE BATAK'S WOODEN STATUE)

Sigale-gale is a statue made of wood. It is a kind of  statue as a handicraft of Batak people from North Tapanuli in Sumatera. This Sigale-gale doll, driven by ropes that connected to the various parts of the doll that controlled by the player. Sigale-gale can perform TORTOR (dancing) like the real dancer, according to the skill of the person who plays it. Sigale-gale is also dressed up with traditional clothes (ulos).
I don't know exactly when Batak people had a Sigale-gale show and what they did it for. Maybe, it was only a creation to amuse people when they held an opera or when the Batak people held a ritual tradition in the past.
Some said that, Sigale-gale was made same to the person who was the most respected in a noble or rich family.
Why did it happened? maybe if the family held a ritual tradition, the Sigale-gale would dance as a form of the man/ woman that they respected mostly.

Share:

Read More

BATAK PROVERBS

IJUK DI PARA-PARA
HOTANG DI PARLABIAN
NABISUK DO NAMPUNA HATA
NA OTO TU PANGGADISAN

I jK\ di pr pr

hot  edo pr\ lbian\

n bisK\ nm\Pn ht

n  ao to T p  eg di sn\

If the writings displayed above are strange, your computer has not been installed BATAK FONTS yet

IT MEANS:

Those fools are useless and even they will be fooled by those who are smart and 

those who are smart will dominate.

JOLO TINIPTIP SANGGAR

LAHO BAHEN HURU-HURUAN

JOLO SINUKKUN MARGA

ASA BINOTO PARTUTURAN

 

jolo tinpi\tpi\ s  egr\

lho bhnE\ HRHRan\

jolo si nK\kN\ mr\g

as binoto pr\TTrn\
If the writings displayed above are strange, your computer has not been installed BATAK FONTS yet
IT MEANS:
For Batak people the family relationship is the most important.
They are not permitted to call someone's name, except they are still children.
They must call them like: BAPA/INANG TUA (our father's elder brother/ our mother's elder sister), BAPA/INANG UDA (our father's younger brother/ our mother's younger sister), OMPUNG (grandfather/ grandmother), NAMBORU (aunt), AMANGBORU (uncle), ITO (sister), LAE (brother in law), AKKANG/ ANGGI (elder/ younger brother/ elder/ younger sister), TULANG (uncle), NANTULANG (aunt).
Without asking for the clan/ family name and family tree if they are in the same clan, of course, we will be categorized as the  impolite person.

NANGET UNANG TARTUKTUK

MANAT UNANG TARROBUNG

It means:

In doing something must be careful, because when we make a mistake, it can be fatal for ourselves

SONGON SORHA NI PADATI DO IANGGO NGOLU ON.

Share:

Read More

DALIHAN NA TOLU

1. MULA NI DALIHAN NATOLU
    Ia Dalihan Na Tolu ima sada tudos-tudos na marmula sian rumang ni tataring laho mangalompa pakke soban. Ingkon tolu (3) batu di bahen asa boi hudoni denggan parpeakna.Dang adong tataring ni halak batak opat manang lobi sian i dalihanna. Sian angka holang na natolu i ma muse soban di surdukkon. Tudos tusi do nang adat ni partuturan di halak BATAK.

2. LAPATAN NI DALIHAN NATOLU
A. 1. Somba Marhula-hula : Ingkon raja jala sangap do bahenonta hula-hulatta. Boasa songoni? Asa arga do dihita sabotulna ibotona i na gabe pardijabutta. Porsea do hita, angka tangiang ni hula-hulata tangihononni Tuhan i. Ido asa didok mangido pasu-pasu sian hula-hula marhite-hite tangiang nasida tu Tuhanta. Molo tung adong pe na mandok mamasu-masu hula-hulata ninna, nahurang singkop do hatai didok, songon na hudok diginjangi do.
     2.Elek Marboru: Ianggo na jolo dang masa di songgak boruna, ingkon elek-elek on do. Manang na beha pe pangalaho ni boru i, ingkon do dielek. na paduahon, sai boru do na ruminggas mangulahon manang aha pe ulaon. nasida do na lumoja, isara ni adong ulaon pesta parhobas ma nasida. Manat do didok hata tusi asa denggan diulahon.
     3. Manat MArdongan Tubu: Molo mardongan tubu, manang dongan sabutuha/ samarga, ikkkon do manat-manat. Ikkon botoon do songon dia partuturan tusi, unang do nijou anggi, hape abang ni iba, nijou anaha hape among ni iba, nijou ompung hape anak ni iba, nijou akkang boru hape anggi boru. Ai olo do marbada halak Batak holan alani panjouon. Jadi unang adong na songon i. Na paduahon, molo adong ulaon, ikkon dongan tubu do na mangulahonsa, mulai mangarangrangi ulaoni sahat tu panimpulina. Jala manat do tu dongan tubu na laho pasahatton i.

Share:

Read More

WELCOME TO MY ANIMATION...

Share:

Read More

THE LEGEND OF MARDAN ISLAND (in TOBA alphabets)

Share:

Read More