UNFORGETTABLE EXPERIENCE

Taon 80-han di tingki marsikkola dope di SMA nunga marhuta sada iba manang merindekos goarna. Ia au sajabu do dohot angka dongan na kuliah. Husewa hami do sada bagas, margugu dos do hami uang kontrakan ni jabu i. Inganan na di Kota Medan di Simpang Limun. Holan sasada au do SMA, dongan na asing nunga parkuliah ai alana sahuta dope hami sian hitaan.
Jot jot do husungkun nasida taringot tu angka parsiajaranku, sipata do diajari nasida au molo adong naso huantusi.
Alai molo nga mulak au sian parsikkolaan, olo do holan sasada au di jabu. Ai kuliah siang/ sore do angka dongan ki. Holan mulak sikkola, jot-jot do au sai modom, ai so adong si ulaon. Dang songon dihuta, holan mulak sikkola, pintor borhat do tu balian.
Molo tingki marpungu dohot angka dongan na asing, dipukka ma markartu/ marjuji. Olo do sipata suda hepeng balanjo dohot uang sikkola ni jujihon. Mulak tu huta mangalap balanjo hape dang tikkina dope. Gabe ido muruk angka natua-tua niba. "Ai nunga suda huroha hepengmu? Ai tanggal piga dope on," ninna natoras ni iba. "Ai na so diboto ho do inong, ai manuhor buku hami.Jadi tu si do hupakke hepeng i,"nidok ma sipata. Margabus ma iba tahe asal ma dapot hepeng on.Ai so ni pikkiran be na pogos natua-tua i, mangula do ulaon na.
Sabotulna dang na holan iba sisongon i. Godang do angka parsikkola na songon i. Angka gabus do di ula. nang pe songon i dang piga-piga na sundat sikkola, hira-hira berhasil do nian tungpe holan tamat. Alani i do ra asa dibaen angka na malo ende taringot tusi.
Saonari pe dang tarsalahon hita molo tung pe annon di bahen angka ianakkonta songon i tu hita. Holan tangiang ma tagogo tu Tuhan i anggiat adong habisuhon tu angka ianakkonta i.

Share:

Read More

DI RONDANG NI BULAN ( THE MOON SHINING)

Molo dung poltak bulan, pintor sude angka dakdanak, naposo marsigoraan. Marmeam ma sude, adong do i nadeba, martumba, adong do muse martabuni-tabuni, jala adong do i muse holan na marhuling-huling assa, dohot angka na asing dope. Sude do rap marlasniroha. Jarang do marbada alana sa alaman manang sahuta do sude.
Parmeaman na untabo holan matabuntabuni do, ai ikkon luluan do dongan tu bara ni jabu, tu pollak-pollak, di toru ni bulu, tu lobu ni pinahan/ horbo, tu liang-liang, manang aha na boi partabunianan tahe. Jala jot-jot do angka dongan di tabunihon begu ninna. Olo do dungpe marsogot nai jumpang, ai so diboto ibana i. Alai olo do adong na jekjek. Tingki ibana gabe sipangalului/panjaga dang dilului donganna alai gabe mulak ibana tu jabuna. Hape sai tong do martabuni iba. Nungpe hira-hira leleng ninna rohama,"Ai didia Ibana, boasa so dilului." Hape dang disi be nunga mulak tu jabuna. Ipe gabe siparekkelon doi bohama tahe namarmeam-meam do goarna.
Martumba pe sada meam-meam na mansai ribur do. Ai marende huhut marembas do disi. Tamba do anggo parbinotoan tu angka ende-ende dohot mansam ni pangeol ni gonting. Alai gumodang do angka naborua mangulahon on. Boasa songon i? Sipata molo adong baoa sai dirimpu do na adong boru-boruna. Adong do nian tong dohot angka baoa.
Marhuling-huling assa ima sada parmeaman na marsisukkunan. Di bahen do iba marpikkir. Olo do sipata alusna dang dapot roha sai hera na gait begeon.
Tarsongon on: " Niadu-niadu aek sabokkor, ahamai?"
                        Alusna: "Kalapa"
Las ma roha nian, tarlumobi molo loja iba mangula sian hauma. Ai dang songon nuaeng on TV nama ni pa adop-adop. Holan marmeam dakdanaki pintor nisuru do masuk tu jabu. "Masuk udah malam!" pintor sai ningon do.

"AI MARPUTAR DO PORTIBION SONGON RODA NI PADATI"

Lapatanna: "Dang adong hape na hot ni tano on."
                      (Nothing is eternal in this world)

Share:

Read More

ANDORANG NA MET- MET/ DAKDANAK HITA

Bah tahe, na jolo andorang met-met iba, molo dung jumpang ari natal, nunga mambaen kue inong dohot angka iboto ni iba. Nunga maos ni taruan tu duru ni jabu jala pintor pinaboa-boa do tu angka dongan. Sipata do pinaellong-ellong. "Inongku nga mambaen ku daba," pintor sai ni dok do. "Ijo ba saotik, molo mambaen kue annon inongku hulean pe diho annon," ninna dongan i.
Molo dung dapot ari Natal i pakkeon ma baju natal i laho pajojorhon tu gareja. Ipe nunga pinakke i sian mulai arian i. Ai panuit-nuiton do iba. Sai maos do nidok tu dongan," Angur do? Anggo jo!. Marsillak puang." Jala ikkon jaga-jaga on do asa unang marotak/ kotor alana bodari nai pe laho pajojorhon.
Dung jumpang tikkina pajojorhon, marlumba lumba do sidok pajojor on na sagogo ni gogona, laos malliting do tu sipareon ai pakke mig muse do. Molo dung sae na pajojorhoni marlumba do mambuat angka sisa ni lilin.
Eeeh tahe, mansai ribur do molo ni ingot ragam ni i sude. Hape saonari nunga asing be namasa on. Dang haluluan be sisongon i nang di bona pasogit pe ra.

Share:

Read More

HOW TO WRITE "SURAT BATAK"

Molo manurathon hata batak asa gabe sada (1) huruf konsonan i, ingkon do pangke " \" (goarna "pangolat")
Songon on ma:

dohot angka na asing pe songon i do.
Alai molo manurathon isarana " mamboan", tanda PANGOLAT ingkon di huruf na parpudi do.
Songon on ma:

(to be continued)

Share:

Read More

A Bad Day

In a village on the suburbs of a large city, there is a man living with his family. His name is Jaultop. He has 5 children, 1 son, 4 daughters. He always leaves for work early in the morning and comes home at about 4 pm from Mondays to Fridays.
            One day on the way when he wanted to get home, he suddenly had an accident. It was not far from his house. He hit a child aged about 10 years. He was very shock. a lot of people coming. Jaultop was very scared, while helping children to stand, he worried, those people would punched him. One other rider said, "He's not wrong, but the child is wrong.” Then he left.
             Jaultop then took the boy to one of the residents’ house, asking a woman, the owner, to give the child a glass of fresh water. One of the residents said, "Hey, you have to be responsible." Jaultop answered, "I'm not wrong, the boy who suddenly turned right. It is only 2 meters away."
             Not long afterwards, a citizen contacted the boy's father, and shortly thereafter his father came, while the child was being brought by citizens to the shaman to treat.
Fortunately, boy's father was a civil servant. He asked Jaultop about the incident. "What happened, sir," asked the boy's father. Jaultop explained it and then they sit together to talk the case in kinship. As a moral responsibility, Jaultop willing to pay for one treatment.
             Perhaps that day is bad for Jaultop. He realized that disaster can happen anytime to anyone. And since then Jaultop always be careful in driving.

Share:

Read More