Di nasahali adong ma sada doli-doli na margoar Simardan. Ibana marhuta di sada luat di sabola habinsaran ni Tapanuli.rap dohot Inongna do ibana, ianggo natorasna baoa nunga parjolo di alap Tuhanta di tingki met-met dope ibana. Burju do Simardan mangurupi inongna i mangula, ai jolma na olo mangoloi angka poda ni natorasna do ibana.
Dung magodang Simardan, dijujui natorasna boru ma ibana laho tu luat sihadaoan manang mangaranto tu tano sileban.Dirohani ni Inangna i, naeng ma nian undenggan parngoluon ni anakna i unang be sai hansit songon na ditaon nasida i. Mardomu muse, godang do barita di huta i naung gabe hasea jala mamora do angka pangaranto sian huta i. "Ia laho ma ho amang tu luat silebanan mangaranto, ai diboto ho do nunga hasea be angka anak ni halak disan. Anggiat ihut ho nian amang unang be sai songonon parngoluonmu marsogot haduaan," ninna Inangna i. Dialusi Simardan ma, " Olo inong, tutu mai, lao nama au marhuta sada. Marsogot borhat pe au, alai tangianghon au inang da!" Dialusi inang nai, "Ido da amang, tangianghononku do ho, asa anggiat di pasu-pasu Tuhan ho tu diape ho mangalangka."
Dung dapot marsogot nai, borhat ma Simardan marhuta sada alai tung jolo dihaol do inangna i di dok,"Tangiangkon au Inang!" huhut sai tumatangis. "Ingot amang da sotung lupa ho tu au inangmon," ninna inangna i. Dungi borhat ma Simardan tu tano sileban.
Hira-hira tolu (3) ari dung sahat Simardan tu kota Jakarta, di bahen ibana dope barita tu Inangna i marhite-hite surat. Songon i ma dung saminggu dua minggu sahat tu tolu bulan sai tong dope marbarita Simardan tu inang nai.
Tung ditodo nasibna do horoha, di bulan paopathon, nunga dapot karejo ibana, jala tar balga do pandapotanna di tingki i. Alani ulaonna i, lupa do ibana manongos barita tu inangna i. Sai boha-boha on do natorasna i di huta. Pola do sude angka pangaranto disungkun- sungkun i jala dang adong na mamboto barita ni anakna i be.
Dang sadia leleng, pintor mangoli ma Simardan tu sada boru ni sileban, boru ni namora. Simardan dohot parsonduk na i pe malo do mandipposi. Pola do gabe tarbarita nasida tu desa na ualu alani hamoraonna. Adong do kapal laut nasida na mansai balga, adong muse do paranganna. Gok ma tahe ianggo arta nasida.
Di nasahali, mulak ma Simardan rap dohot inanta soripadana i tu bona pasogitna. Di boan do kapal lautna nabalga i, dohot angka paranganna i. Dung tolu ari di pardalanan, sahat ma nasida tu hutana.
Dinaso panagamanna, pola do ro sude pangisi ni huta i, manomu-nomu nasida tu topi laut i jala dohot do inang ni Simardan. Nunga tarbege nasida horoha Simardan laho mulak. Pintor di lojong inangna i ma Simardan. "Bah, Horas ma da amang," ninna inangna i. "Ai ise ho, dang hutanda ho," ninna Simardan alusna. "Au do on, Inangmu do au," ninna Inangnai muse. "Dang hutanda ho, dang inangku songon ho," ninna Simardan. "Boasa dung mamora ho amang gabe so ditanda ho inangmu?" huhut ditarik baju ni anakna i.
"Tarik ibu ini, saya tidak kenal," ninna Simardan tu angka paranganna i. Pintor ro do parangannai di tarik ma inangna i mandao sian Simardan. Ai na maila do huroha ibana mamereng inangna i ala pakkeanna na maribak-ribak.
Huhut sai tumatangis, marlojong ma Inangnai tu jabuna. Di jabu, martangiang ma inangna i, di tonggohon ma tu Mula Jadi Nabolon asa di uhum anakna Simardan i. Dang sadia leleng nari ro alogo haba-haba, mardongan sillam na mansai gogo. Di siltakkon sillam i ma sude angka pangisi ni kapal i nang dohot anakna Simardan i. Tarbalik ma kapal i jala marujung ma sude dohot paranganna i. Ima sahat tu sadarion na gabe pulo Simardan.
"MATA NI HALAK NA MANGALEAI INANG NA, INGKON TURBINGON NI PIDONG SI GAK DO MATA NA DI TOPI SUNGE."
Dung magodang Simardan, dijujui natorasna boru ma ibana laho tu luat sihadaoan manang mangaranto tu tano sileban.Dirohani ni Inangna i, naeng ma nian undenggan parngoluon ni anakna i unang be sai hansit songon na ditaon nasida i. Mardomu muse, godang do barita di huta i naung gabe hasea jala mamora do angka pangaranto sian huta i. "Ia laho ma ho amang tu luat silebanan mangaranto, ai diboto ho do nunga hasea be angka anak ni halak disan. Anggiat ihut ho nian amang unang be sai songonon parngoluonmu marsogot haduaan," ninna Inangna i. Dialusi Simardan ma, " Olo inong, tutu mai, lao nama au marhuta sada. Marsogot borhat pe au, alai tangianghon au inang da!" Dialusi inang nai, "Ido da amang, tangianghononku do ho, asa anggiat di pasu-pasu Tuhan ho tu diape ho mangalangka."
Dung dapot marsogot nai, borhat ma Simardan marhuta sada alai tung jolo dihaol do inangna i di dok,"Tangiangkon au Inang!" huhut sai tumatangis. "Ingot amang da sotung lupa ho tu au inangmon," ninna inangna i. Dungi borhat ma Simardan tu tano sileban.
Hira-hira tolu (3) ari dung sahat Simardan tu kota Jakarta, di bahen ibana dope barita tu Inangna i marhite-hite surat. Songon i ma dung saminggu dua minggu sahat tu tolu bulan sai tong dope marbarita Simardan tu inang nai.
Tung ditodo nasibna do horoha, di bulan paopathon, nunga dapot karejo ibana, jala tar balga do pandapotanna di tingki i. Alani ulaonna i, lupa do ibana manongos barita tu inangna i. Sai boha-boha on do natorasna i di huta. Pola do sude angka pangaranto disungkun- sungkun i jala dang adong na mamboto barita ni anakna i be.
Dang sadia leleng, pintor mangoli ma Simardan tu sada boru ni sileban, boru ni namora. Simardan dohot parsonduk na i pe malo do mandipposi. Pola do gabe tarbarita nasida tu desa na ualu alani hamoraonna. Adong do kapal laut nasida na mansai balga, adong muse do paranganna. Gok ma tahe ianggo arta nasida.
Di nasahali, mulak ma Simardan rap dohot inanta soripadana i tu bona pasogitna. Di boan do kapal lautna nabalga i, dohot angka paranganna i. Dung tolu ari di pardalanan, sahat ma nasida tu hutana.
Dinaso panagamanna, pola do ro sude pangisi ni huta i, manomu-nomu nasida tu topi laut i jala dohot do inang ni Simardan. Nunga tarbege nasida horoha Simardan laho mulak. Pintor di lojong inangna i ma Simardan. "Bah, Horas ma da amang," ninna inangna i. "Ai ise ho, dang hutanda ho," ninna Simardan alusna. "Au do on, Inangmu do au," ninna Inangnai muse. "Dang hutanda ho, dang inangku songon ho," ninna Simardan. "Boasa dung mamora ho amang gabe so ditanda ho inangmu?" huhut ditarik baju ni anakna i.
"Tarik ibu ini, saya tidak kenal," ninna Simardan tu angka paranganna i. Pintor ro do parangannai di tarik ma inangna i mandao sian Simardan. Ai na maila do huroha ibana mamereng inangna i ala pakkeanna na maribak-ribak.
Huhut sai tumatangis, marlojong ma Inangnai tu jabuna. Di jabu, martangiang ma inangna i, di tonggohon ma tu Mula Jadi Nabolon asa di uhum anakna Simardan i. Dang sadia leleng nari ro alogo haba-haba, mardongan sillam na mansai gogo. Di siltakkon sillam i ma sude angka pangisi ni kapal i nang dohot anakna Simardan i. Tarbalik ma kapal i jala marujung ma sude dohot paranganna i. Ima sahat tu sadarion na gabe pulo Simardan.
"MATA NI HALAK NA MANGALEAI INANG NA, INGKON TURBINGON NI PIDONG SI GAK DO MATA NA DI TOPI SUNGE."
